ერთადერთი დიეტა, რომელიც იუნესკომ კულტურულ მემკვიდრეობად აღიარა

ხმელთაშუა ზღვის დიეტა ერთ-ერთი ყველაზე პოპულარული კვების სისტემაა ევროპაში. ის ასევე ერთადერთი დიეტაა, რომელიც იუნესკომ კულტურულ მემკვიდრეობად აღიარა.

ამ დიეტის ცნობილი მიმდევრები არიან პენელოპა კრუზი და სოფი ლორენი.

ხმელთაშუა ზღვის დიეტა
იმ ქვეყნების ჩამონათვალში, რომელთა სამზარეულო ხმელთაშუაზღვის დიეტის პრინციპებს მოიცავს, არის საბერძნეთი, იტალია, ესპანეთი, პორტუგალია, მაროკო, კვიპროსი და ხორვატია. თავად ტერმინი კი მე -20 საუკუნის შუა პერიოდში ამერიკელმა დიეტოლოგებმა ანსელმა და მარგარეტ კიზმა შექმნეს.

ხმელთაშუა ზღვის დიეტა გარკვეული სისტემა ან ინსტრუქცია არ გახლავთ, ესაა დიეტური ჩვევებისა და პრინციპების კრებული, რომელსაც ხმელთაშუაზღვისპირეთის მოსახლეობა ტრადიციულად მისდევს. ეს არის დაბალანსებული დიეტის იდეალური მაგალითი, რომელშიც მცენარეული ცილები საკვები ნივთიერებების ძირითადი წყაროა.

დიეტა პოპულარული გახდა ე.წ. ფრანგული პარადოქსის გამო: მიუხედავად იმისა, რომ სამხრეთ საფრანგეთში ხალხი დიდი რაოდენობით ცხიმს მოიხმარს, მათ გულ-სისხლძარღვთა დაავადებების გაცილებით დაბალი მაჩვენებლები აქვთ, ვიდრე შეერთებულ შტატებში.

ხმელთაშუა ზღვის დიეტის პრინციპები
1. ბოსტნეული ყოველდღე - 1 ადამიანის დღიურ ნორმად 1 კგ. ბოსტნეული ითვლება. კარტოფილის გარდა, ეს შეიძლება იყოს ნებისმიერი ბოსტნეული: კომბოსტოს ყველა სახეობა, წიწაკა, პომიდორი, ბადრიჯანი, პრასი, სტაფილო, ყაბაყი და ზეთისხილი.
2. დიეტოლოგების თქმით, ზეთისხილი (როგორც მწვანე, ისე შავი) მდიდარია A, C და E ვიტამინით და შეიცავს სასარგებლო მცენარეულ ცხიმებს, შაქრებს, ცილებს და პექტინებს. სასურველია, უპირატესობა მიანიჭოთ მინიმალურად დამუშავებულ, თუ ეს შესაძლებელია ახალ და ადგილობრივ პროდუქტს.
3. ცილები
უმჯობესია აირჩიოთ ცხიმიანი თევზი: თინუსი, ორაგული, სკუმბრია, სარდინი ან ქაშაყი.
4. დიეტაში სასურველია კვირაში ორჯერ, მცირე ულუფებით (100 გ-მდე) თევზის ან ფრინველის ხორცის ჩართვა (კანის გარეშე). კვერცხის რაოდენობა უნდა შემოიფარგლოს კვირაში 7 ცალით.
წითელი ხორცი თვეში მხოლოდ რამდენჯერმე და მცირე ულუფებით უნდა მიირთვათ (არაუმეტეს 100 გრ) ბოლოდროინდელი კვლევების შედეგების მიხედვით, თვიური ნორმა 300-500 გრ არ უნდა აღემატებოდეს. მნიშვნელოვანია უპირატესობა მიანიჭოთ უცხიმო ხორცს.
5. ბურღულეული
ხმელთაშუა ზღვის დიეტაში ძირითადი მარცვლეულ კულტურებია: ქერი, წიწიბურა, ჭვავი, ფეტვი, შვრიის ფაფა, ბულგარული, კუსკუსი, ყავისფერი ბრინჯი და სიმინდი.
6. ხმელთაშუაზღვის დიეტაში პური მზადდება არარაფინირებული ფქვილისგან და მასთან კარაქის ნაცვლად, მცირე რაოდენობით ზეთისხილს მიირთმევენ.
7. თხილი - თხილი დიეტის მნიშვნელოვანი კომპონენტია: ნუში, კეშიუ, თხილი, ნიგოზი და ა.შ. ეს პროდუქტი შეიცავს ბოჭკოს, ცილებს და ძვირფას ზეთებს.
თხილეულში კალორიების 80% ცხიმებზე მოდის, რომელთა უმეტესობა ჯანსაღი მონო და პოლიუჯერი ცხიმებია. მათი მაღალი კალორიულობის გათვალისწინებით, უცილებელია ულუფების კონტროლი. დღეში ერთი მუჭა თხილეული სრულიად საკმარისია.
8. ცხიმები - ხმელთაშუა ზღვის დიეტაში ცხიმის ძირითადი ტიპია ზეითუნის ზეთი. ამ ზეთით ანაცვლებენ სხვა, ნაკლებად სასარგებლო ზეთებს და ცხიმებს (მათ შორის, კარაქის და მარგარინს).
9. ზეითუნის ზეთი - შეძლებისდაგვარად შეარჩიეთ საუკეთესო, ცივად დაწურული ზეითუნის ზეთი, რადგან სასარგებლო ანტიოქსიდანტების დიდ რაოდენობას შეიცავს. ზეითუნის გარდა, დაშვებულია რაფსის ზეთი, სელის ზეთი და არაქისის კარაქი.
10. კვების რეჟიმი - საუზმე შემოგთავაზებთ ნახშირწყლოვან საკვებს (მუსლი, ფაფა), ხოლო ვახშამზე ცილები და ბოსტნეულია გათვალისწინებული. ეს მიდგომა იმით აიხსნება, რომ ორგანიზმი დღის განმავლობაში ფქვილის ათვისება და ენერგიის დახარჯვას ასწრებს.
11. პური, ნამცხვრები და ლავაშები, რომლებსაც ხმელთაშუა ზღვის მაცხოვრებლები დილით, საუზმეზე მიირთმევენ, ზედმეტი კილოგრამების მომატებას არ იწვევენ. პურის პროდუქტებთან ერთად სურასთან მოაქვთ თაფლი ან სახლში მომზადებული მურაბა. როგორც წესი, სადილად მიირთმევენ ბოსტნეულს, სახლში დამზადებულ მაკარონს (ლაფშას) ან ბრინჯს.

დიეტის წარმატების გასაღები საკვების მცირე ულუფებად დაყოფაშია, ამიტომ წონის სწრაფად დაკლების ნაცვლად, ეტაპობრივი კლება მიმდინარეობს.

12. სასმელის მიღების რეჟიმი - დღის განმავლობაში სასურველია 6 ჭიქა წყლის დალევა. სადილის / ვახშმის დროს ნებადართულია წითელი ღვინო - დღეში 2 ჭიქა მამაკაცებისთვის, ერთი ქალისთვის.
13. როგორც ექსპერტები ამბობენ, არანაირი მიზეზი არ არსებობს, რომ ალკოჰოლი სმა დაიწყოთ „ჯანმრთელობისთვის“. სავარაუდოდ, ჯანმრთელობა ასეთი ინოვაციით არ გაუმჯობესდება.
14. ფიზიკური დატვირთვა - რეგულარული ვარჯიში არის საფუძველი, რომელსაც ემყარება ჯანმრთელი წონის კონცეფცია.

ხმელთაშუა ზღვის დიეტის გავლენა ჯანმრთელობაზე
კვლევამ, რომელშიც 22,000 ადამიანი მონაწილეობდა, დაადასტურა, რომ ხმელთაშუა ზღვის დიეტამ, ტრადიციულ ამერიკულ დიეტასთან შედარებით, გულის დაავადებების რისკი 33% -ით და კიბოს 24%-ით შეამცირა.

ხმელთაშუა ზღვის დიეტა ასევე ამცირებს ალცჰეიმერის დაავადების რისკს. ეს პირველ რიგში განპირობებულია ახალი ბოსტნეულისა და ხილის, ბურღულეულის, ხორცისა და თევზის მოხმარებით.

2014 წელს ბრიტანეთის სამედიცინო ჟურნალმა გამოაქვეყნა სტატია, სადაც წერია, რომ ხმელთაშუა ზღვის დიეტა ზრდის სიცოცხლის ხანგრძლივობას და ანელებს დაბერების პროცესს.

ხმელთაშუა ზღვის დიეტა ცნობილი ადამიანების არჩევანია.

2013 წელს Fitness Magazine -მა პენელოპა კრუზი ყველაზე ლამაზი სხეულის მქონე ვარსკვლავად დაასახელა.

მსახიობი აცხადებს, რომ ლამაზი სხეულის და კარგი ჯანმრთელობის საფუძველი სწორი კვებაა. პენელოპა კრუზი აღიარებს, რომ ხმელთაშუა ზღვის სამზარეულო მას სრულყოფილი ფიზიკური ფორმის შენარჩუნებაში ეხმარება.

მსახიობის ყოველდღიურ დიეტაში ცხიმის ძირითადი წყარო ზეითუნის ზეთია, რომელიც მის მშობლიურ ესპანეთში ძალიან პოპულარული პროდუქტია. პენელოპა ტკბილეულის ნაცვლად, ახალ ხილს და კენკრას მიირთმევს, ხოლო მარილის ნაცვლად, საჭმელს სანელებლებს უმატებს.

ხმელთაშუა ზღვის დიეტის კიდევ ერთი ცნობილი მიმდევარი დიდი იტალიელი მსახიობი სოფია ლორენია. ეს ქალი ორიგინალურია ყველაფერში, მათ შორის ჯანსაღი კვების სისტემის ინტერპრეტაციაში. სოფი ლორენს ეკუთვნის სიტყვები საკუთარ გარეგნობაზე „ყველაფერი, რასაც ხედავთ, სპაგეტის დამსახურებაა“.
ხმელთაშუა ზღვის დიეტა, ბოსტნეულის, ხილის, თევზისა და სხვა ზღვის პროდუქტების, მწვანილისა და მარცვლეულის უხვი რაოდენობით, ნამდვილად კარგი საფუძველია ჯანმრთელი და სრულყოფილი ცხოვრებისთვის. დიეტის ერთადერთი ნაკლი მასში შემავალი პროდუქტების მაღალი ფასია, თუმცა ჯანმრთელობა უფრო ძვირი ღირს.