ინდონეზიაში ვულკანი ამოიფრქვა
ოთხშაბათს, ინდონეზიაში, კუნძულ იავაზე ვულკანი ამოიფრქვა. ინფორმაციას CNN ავრცელებს.
2 963 მეტრის სიმაღლის მეაპის მთა, ინდონეზიის ყველაზე აქტიურ ვულკანად მიიჩნევა. ვულკანის ამოფრქვევა სულავესის კუნძულზე მომხდარ 2 კვირის წინანდელ მიწისძვრას მოჰყვა, რომლის სიძლიერეც 6.2 მაგნიტუდით განისაზღვრა.
ამოფრქვევამ მიმდებარე ტერიტორიებთან არსებული სახლები მტვრით დაფარა. წყაროს მიხედვით, მთავრობა ფიქრობს, რომ ამოხეთქილმა ვულკანურმა ლავამ შესაძლებელია, სატრანსპორტო გზებიც ჩაკეტოს.
