კოვიდგადატანილმა პაციენტმა რამდენი თვე არ უნდა გაიკეთოს ვაქცინა - რას აცხადებს თენგიზ ცერცვაძე
ინფექციური პათოლოგიის და შიდსის ცენტრის გენერალური დირექტორის, თენგიზ ცერცვაძის განცხადებით, კოვიდგადატანილმა პაციენტებმა გადატანიდან 3 თვე არ უნდა გაიკეთონ ვაქცინა, ვინაიდან ისინი ამ პერიოდში ისედაც დაცულები არიან.
თენგიზ ცერცვაძემ კორონავირუსი თვენახევრის წინ გადაიტანა, შესაბამისად, როგორც ის აცხადებს, რომ 3 თვის გასვლის შემდეგ, ვაქცინაციას აუცილებლად ჩაიტარებს.
"მე, რა თქმა უნდა, ვაქცინას გავიკეთებ, თუმცა ერთი შეზღუდვა მაქვს. არის კანონი, რომ კოვიდგადატანილმა პაციენტმა, გადატანიდან 3 თვე არ უნდა გაიკეთონ ვაქცინა, ვინაიდან ისინი 3 თვე ისედაც დაცულები არიან. შესაბამისად, სამართლიანობის პრინციპი მოითხოვს, რომ ჯერ მათ გაიკეთონ ვაქცინა, ვისაც გადატანილი არ აქვს ვირუსი. ეს ჩემზეც ვრცელდება, მე დაახლოებით, თვენახევრის წინ გადავიტანე კორონავირუსი, 3 თვის შემდეგ კი, მე პირველი ვიქნები, ვინც ვაქცინას გაიკეთებს. მეორე მხრივ კი, მანამდე, მე სხვას დავუთმობ და მხოლოდ ამის შემდეგ გავიკეთებ," - აცხადებს თენგიზ ცერცვაძე.
