გენერალურ პროკურატურაში საზღვრის დელიმიტაციისა და დემარკაციის კომისიის თავმჯდომარის მოადგილე მალხაზ მიქელაძე გამოიკითხება
საქართველოს გენერალურ პროკურატურაში დავით გარეჯის საქმეზე უკვე მესამედ, საზღვრის დამდგენი კომისიის მოქმედი წევრი მალხაზ მიქელაძე დაიბარეს, რომელიც 2005 წელს სადემარკაციო-სადელიმიტაციო კომისიის თავმჯდომარე იყო.
მიქელაძე ფიგურირებს რამდენიმე დღის წინ პროკურატურის მიერ გამოქვეყნებულ ჩანაწერში, სადაც ის ივერი მელაშვილს დაკავებამდე რამდენიმე დღით ადრე, მისსავე კაბინეტში სწორედ 2006-2007 წლებში აზერბაიჯანისა და საქართველოს საზღვრის მონაკვეთებზე მომხდარი შეთანხმების შესახებ ესაუბრება.
მიქელაძე გენერალურ პროკურატურაში პირველად გასული წლის სექტემბერში, განმეორებით კი, დეკემბერში გამოიკითხა.
