თვეებია კეტავთ გზებს, იწვევთ საცობებს და აქამდე არ გიკითხავთ ვინმესთან ხომ არ დაიგვიანა სასწრაფომ და თქვენ როცა დაგჭირდათ, 10 წუთი როგორ დაიგვიანაო?! - სალუქვაძე

წარმოუდგენელი უტიფრობაა, გზას კეტავდე მოძრაობის შეფერხების მიზნით და მერე პრეტენზიას წერდე "10 წუთი ელოდაო." - ექსპერტი ამირან სალუქვაძე გამოეხმაურა მედიაში გავრცელებულ ინფორმაციას იმის შესახებ, რომ აქციაზე დაშავებული ტვ პირველის ოპერატორი სასწრაფო დახმარების მანქანის მოსვლას 10 წუთზე მეტი ხანი ელოდა. 

▪️ცენტრალურ მაგისტრალზე საბოტაჟს აწყობთ, თვეებია კეტავთ გზებს და იწვევთ საცობებს და აქამდე არ გიკითხავთ ვინმესთან ხომ არ დაიგვიანა სასწრაფომ, პოლიციამ ან სახანძრომ და თქვენ როცა დაგჭირდათ, 10 წუთი როგორ დაიგვიანაო?!

▪️დაინტერესდით დღეს ან სხვა დღეებში რამდენს ვერ მიუსწრო სასრაფომ? იქნებ ვინმე თბილისში მოჰყავდათ მძიმე მდგომარეობაში?

▪️გახსოვთ გაბრაზებულ მოქალაქეებს რომ ლანძღავდით, მოითმინეთ დისკომფორტიო? არადა ზოგს წამალი ჰქონდა მისაღები, ზოგს ავადმყოფი ეჯდა მანქანაში...

▪️წარმოუდგენელი უტიფრობაა, გზას კეტავდე მოძრაობის შეფერხების მიზნით და მერე პრეტენზიას წერდე "10 წუთი ელოდაო."

▪️დღეს მთელი დღეა რადიო თავისუფლების თბილისის ფილიალი პოსტავს:

- რა ხდება მოლთან;

- მოძრაობა შეფერხებულია;

- გზა ნაწილობრივ გადაიკეტა და ა.შ. - წერს ამირან სალუქვაძე.