„არც მაკო გომური და არც სხვები ყურადღების მიღმა არ დარჩებიან“ - კახა კალაძე
თბილისის მერი კახა კალაძე 20 ივნისის ღამეს დაზარალებულ მაკო გომურის განცხადებას გამოეხმაურა. მისი თქმით, უყურადღებოდ არცერთი დაზარალებული არ დარჩება.
„არავინ დარჩება ყურადღების მიღმა, არც მაკო გომური და არც სხვა ადამიანები, ვინც სახელმწიფოს მხრიდან თანადგომას და მხარდაჭერას საჭიროებენ“, - აცხადებს კალაძე.
ინფორმაციისთვის, მაკო გომურმა 20 ივნისის ღამეს, ანტისაოკუპაციო აქციის დროს, თვალი დაკარგა. მას დაზარალებულის სტატუსი მიენიჭა.
