ოკუპანტების მიერ დაკავებული ზაზა გახელაძის ე.წ. სასამართლო პროცესი დღეს გაიმართება
ოკუპანტების მიერ უკანონოდ დატყვევებული ზაზა გახელაძის მორიგი და შესაძლოა დასკვნითი ე.წ. სასამართლო პროცესი, ოკუპირებულ ცხინვალში დღეს გაიმართება. ამ საქმეზე, ე.წ უზენაესი სასამართლო, სავარაუდოდ, განაჩენს გამოიტანს.
ზაზა გახელაძის ახლობლებს იმედი აქვთ, რომ ის ოჯახს დაუბრუნდება. ეწ პროცესი 12 საათზეა დანიშნული. 33 წლის ზაზა გახელაძე საოკუპაციო ძალების წარმომადგენლებმა 11 ივლისს დააკავეს. მას არარსებული საზღვრის უკანონო კვეთასა და ე.წ. „მესაზღვრეებისთვის“ ცეცხლის გახსნას ედავებიან. გახელაძე დაკავების დროს დაჭრეს.
