"იფეთქებს კოვიდი და გადავალთ ონლაინზე" - სკანდალური გეგმა, რომელსაც მასწავლებელი სკოლაში ამზადებს
თბილისის 24-ე სკოლის დირექტორის მოადგილე, ეკა ბროლაძე სკოლების გახსნის შემდეგ გაკვეთილების გადანაწილებას ისე გეგმავს, რომ სასწავლო დაწესებულებაში მაღალმა მობილობამ კოვიდაფეთქება გამოიწვიო, შესაბამისად კი სწავლება ისევ ონლაინ რეჟმში დაბრუნდეს, - ამის შესახებ ექსკლუზიურ ინფორმაციას "ტვ პირველი" ავრცელებს, რომელმაც დახურული ჯგუფის მიმოწერა მოიპოვა.
როგორც აღმოჩნდა, ეკა ბროლაძის გეგმამ პედაგოგების ნაწილში უკმაყოფილება და ნეგატიური დამოკიდებულება გამოიწვია, ნაწილი კი მის გეგმას დადებითად შეხვდა.
დირექტორის მოადგილე ეკა ბროლაძე არ უარყოფს აღნიშნული პოსტის ავტორობას, თუმცა მისი აღშფოთება იმან უფრო გამოიწვია, რომ მიმოწერა ჟურნალისტებს ჩაუვარდა ხელში.
