სააკაშვილი ვნახე, ვისაუბრეთ უკრაინაზე - გიგი უგულავა
გიგი უგულავა ადასტურებს მიხეილ სააკაშვილთან შეხვედრას, თუმცა ამბობს, რომ მხოლოდ უკრაინაზე ისაუბრეს და საქართველოში მიმდინარე პროცესებს არ შეხებიან.
განცხადება "ევროპული საქართველოს" გენერალურმა მდივანმა პარტიის ოფისში გამართულ საგანგებო ბრიფიმგზე გააკეთა, სადაც ცნობილი გახდა, რომ პარტიის ლიდერები ხელმძღვანელი პოსტებიდან მიდიან.
"სააკაშვილი მე ვნახე, დიდი საუბარი მე მასთან არ მქონია, გადავიკვეთეთ უბრალოდ. ძირითადად ვისაუბრეთ უკრაინაზე. საქართველოს საკითხებზე მასთან არ მილაპარაკია, მით უმეტეს პარტიულ საკითხებზე. იმიტომ, რომ ვთვლი, რომ "ნაციონალური მოძრაობას" ჰყავს არჩეული თავმჯდომარე და თუ რამე მაქვს სათქმელი "ნაციონალური მოძრაობისთვის" ურთიერთობა მაქვს ბატონ ნიკასთან..." - ამბობს გიგი უგულავა
