მარტვილში მანქანა გზიდან გადავარდა და დაიწვა - დაღუპულია ერთი ადამიანი
მარტვილის მუნიციპალიტეტის სოფელ ნაფოსტარში, მანქანა გზიდან გადავარდა, რის შემდეგაც აალდა და მასში მყოფი ერთი ადამიანი ადგილზე დაიღუპა.
"კურიერის" ინფორმაციით, შემთხვევა დღეს დილით მოხდა.
მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
