გოგი წულაიამ "კომენდანტის საათი" განგებ დაარღვია
პარტია "თავისუფალი საქართველოს" თანათავმჯდომარემ, გოგი წულაიამ ე.წ. კომენდანტის საათი დაარღვია.
წულაიამ დაუმორჩილებლობა პროტესტის ნიშნად გამოაცხადა, რითაც სოლიდარობას უცხადებს ნიკა მელიას.
მისი თქმით, არ ემორჩილება "ქართული ოცნების" უკანონო შეზღუდვებს.
ადგილზე იმყოფებოდნენ სამართალდამცველები, თუმცა მათ წულაია ადგილზე არ დაუჯარიმებიათ. გოგი წულაიას თქმით, სამართალდამცველებმა კანონი დაარღვიეს, საჯაროდ დაჯარიმება ვერ გაბედეს და სავარაუდოდ, ჯარიმას სახლში გაუგზავნიან.
