ვერ წარმომიდგენია ისე გაგიჟდეს "ქართული ოცნება", "ნაციონალური მოძრაობის" ოფისის შტურმი გადაწყვიტოს - ნინო ბურჯანაძე
ვერ წარმომიდგენია, ისე გაგიჟდეს "ქართული ოცნება" "ნაც მოძრაობის" ოფისის შტურმი გადაწყვიტოს სპეცრაზმის, ან ომონის მეთაურობით", - ამის შესახებ "ერთიანი საქართველო - დემოკრატიული მოძრაობის" თავმჯდომარემ, ნინო ბურჯანაძემ "რუსთავი2"-ის ეთერში განაცხადა.
"მე ვერ წარმომიდგენია, ისე გაგიჟდეს "ქართული ოცნება", ამ ოფისის შტურმი გადაწყვიტოს სპეცრაზმის, ან ომონის მეთაურობით. თუ ამას გააკეთებენ, უბრალოდ, დამთავრდება ეს ხელისუფლება და მინდა შევახსენო ყველას, რომ "ნაციონალური მოძრაობის" ხელისუფლება გადატყდა ხერხემალში 26 მაისს. 26 მაისს რომ არ დაერბიათ, "ნაციონალური მოძრაობის" ხელისუფლებას ვერც ბიძინა ივანიშვილი და ვერც ვერავინ ვერაფერს უზამდა და თუ უნდა ახლა "ქართულ ოცნებას" გადატყდეს ხერხემალში "ნაციონალური მოძრაობის" შტურმით, ეს მისი არჩევანია. ჩვენ არ ვართ განწყობილი იმისათვის, რომ ჩვენგან წამოვიდეს რაიმე ძალადობა," - განაცხადა ნინო ბურჯანაძემ "დღის კურიერში" სტუმრობისას.
