ავარია წერეთელზე - დაღუპულია 3 ადამიანი
თბილისში, წერეთლის გამზირზე, კოკა-კოლას მიმდებარე ტერიტორიაზე, რამდენიმე წუთის წინ ავტოსაგზაო შემთხვევა მოხდა.
კომენდატის საათის დროს, დიდი სიჩქარით მოძრავი ორი ავტომობილის შეჯახების შედეგად, ადგილზე დაიღუპა 3 ადამიანი.
ადგილზე იმყოფებიან სასწრაფო სამედიცინო დახმარების და სახანძრო-სამაშველო სამსახურის ბრიგადები.
შინაგან საქმეთა სამინისტროს ცნობით, ფაქტზე გამოძიება სისხლის სამართლის კოდექსის 276-ე მუხლის მერვე ნაწილითაა დაწყებული, რაც ტრანსპორტის მოძრაობის უსაფრთხოების წესების დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
