თელავში ავარიის შედეგად,რამდენიმე ადამიანი მძიმედ დაშავდა
თელავში მომხდარი ავარიის შედეგად, რამდენიმე ადამიანი მძიმედ დაშავდა. „ფოლკსვაგენის“ მარკის ავტომობილისა და „ბმვს“ მარკის ავტომობილის შეჯახების შედეგად, სხეულის მძიმე დაზიანებები ორივე ავტომობილის მძღოლმა მიიღო. დაშავებულები სასწრაფო დახმარების ბრიგადამ საავადმყოფოში გადაიყვანა.
შემთხვევის ადგილზე მობილიზებულია პოლიცია და მიმდინარეობს საგამოძიებო მოქმედებები. გამოძიება ტრანსპორტის მოძრაობის, უსაფრთხოების ან ექსპლუატაციის წესის დარღვევის მუხლით დაიწყო.
