კაცმა ცოლს მაშინ დაარტყა, როცა ხელში ჩვილი ეჭირა, ბავშვმა გონება დაკარგა და დაიღუპა - შსს გურჯაანში მომხდარ საზარელ ფაქტზე
შინაგან საქმეთა სამინისტრო გურჯაანში მომხდართან დაკავშირებით განცხადებას ავრცელებს და ამბობს, რომ კაცმა ცოლს ფიზიკური შეურაცხყოფა მაშინ მიაყენა, როცა ქალს ხელში 8 თვის ჩვილი ეჭირა.
უწყების ცნობით, ბავშვმა გონება დაკარგა და დაიღუპა. მათი ინფორმაციით, კაცი დააკვებულია, მცირეწლოვანი ბავშვის გარდაცვალების მიზეზის დადგენის მიზნით კი დანიშნულია შესაბამისი ექსპერტიზები. გამოძიება სისხლის სამართლის კოდექსის 126-ე პრიმა მუხლით მიმდინარეობს.
