გიორგი შაქარაშვილის დედა ხუთივე ბრალდებულის უმკაცრესად დასჯას ითხოვს
გარდაცვლილი გიორგი შაქარაშვილის დედა თამუნა შალვაშვილი ხუთივე ბრალდებულის უმკაცრესად დასჯას ითხოვს.
განცხადება მან მცხეთის რაიონულ სასამართლოსთან გააკეთა, სადაც მოსამართლემ გიორგი შაქარაშვილის მკვლელობაში ბრალდებული 5 პირის საქმეზე განაჩენი უნდა გამოაცხადოს.
დაკავებულის ადვოკატები გამამართლებელ განაჩენს ელოდებიან და ამტკიცებენ, რომ ვერც ერთმა მოწმემ და გარემოებამ დაკავებულთა დანაშაული ვერ დაადასტურა.
გიორგი შაქარაშვილის მკვლელობის საქმეზე განაჩენი დღეს გამოცხადდება.
