დედაქალაქს კახი კალაძის მსგავსი კანდიდატი კიდევ ერთხელ დაამშვენებდა - ირაკლი ზარქუა
კახა კალაძის დამოკიდებულებაა, რომ ის პოზიცია დაიკავოს, სადაც გუნდს დასჭირდება, - ამის შესახებ საპარლამენტო უმრავლესობის წევრმა, ირაკლი ზარქუამ განაცხადა.
მისი თქმით, უმრავლესობის დღევანდელ სხდომაზე დედაქალაქის მერის კანდიდატურასთან დაკავშირებით საუბარი არ ყოფილა, ამას პოლიტსაბჭო გადაწყვეტს.
„მოლოდინი მაქვს, რომ დედაქალაქს კახი კალაძის მსგავსი კანდიდატი კიდევ ერთხელ დაამშვენებდა, რადგან ის გამოწვევები, რაც ჰქონდა ქალაქს - ეკოლოგია, გამწვანება და ინფრასტრუქტურა - ამ ადამიანმა, თავის გუნდთან ერთად, გადაჭრა. რამდენადაც ინფორმაცია მაქვს, კანდიდატზე მსჯელობა ჯერ არ ყოფილა. კალაძის დამოკიდებულებაა, რომ სადაც გუნდს დასჭირდება, იმ პოზიციაზე იქნება", - განაცხადა ირაკლი ზარქუამ.
