სუეცის არხში გიგანტური გემის გაჭედვამ უზარმაზარი საცობი შექმნა
სუეცის არხში საცობი წარმოიშვა, სადაც ამ დროისთვის 150 გემზე მეტია. BBC-ის ცნობით, არხი კონტეინერმზიდ Ever Green-ს 23 მარტიდან აქვს ჩახერგილი.
გერმანული კომპანია Smit Salvage-ის დირექტორმა, პიტერ ბერდოვსკიმ აღნიშნა, რომ გიგანტური კონტეინერმზიდის ადგილიდან დაძვრას, შესაძლოა, დღეები და კვირები დასჭირდეს. მისივე თქმით, "ეს სანაპიროდან ვეშაპის აწევას ჰგავს".
ბრიტანული მედიის ინფორმაციით, გემის მეპატრონემ, იაპონურმა ფირმა Shoei Kinsen-მა ბოდიში მოიხადა იმ ზიანისთვის, რომელიც გლობალურ სატვირთო გადაზიდვებს მიადგა. მან, ასევე, განაცხადა, რომ მისი სპეციალისტები 200 ტონაზე მეტი წონის გემის ადგილიდან დასაძრავად ყველაფერს აკეთებენ, თუმცა, ჯერჯერობით, უშედეგოდ.
