დონალდ ტრამპი მიტინგის გამართვას აანონსებს
აშშ-ის ყოფილმა პრეზიდენტმა, დონალდ ტრამპმა უახლოეს პერიოდში მიტინგის გამართვა დააანონსა.
„უახლოეს პერიოდში მიტინგის გამართვას განვიხილავთ, რათა ყველამ იცოდეს, რომ მომავალში იმედი არსებობს“, - აღნიშნა აშშ-ის 45-ე პრეზიდენტმა.
აღსანიშნავია, რომ 20 იანვარს თეთრი სახლის დატოვების შემდეგ დონალდ ტრამპს მხარდამჭერებთან მიტინგი არ გაუმართავს.
აშშ-ის ყოფილმა პრეზიდენტმა ასევე განაცხადა, რომ მას მიტინგების გამართვა უყვარს. მისი თქმით, მის მხარდამჭერებს იმის იმედი შეიძლება ჰქონდეთ, რომ ის 2024 წლის საპრეზიდენტო არჩევნებში მონაწილეობას მიიღებს.