კალიფორნიაში სროლის შედეგად ოთხი ადამიანი დაიღუპა
აშშ-ის კალიფორნიის შტატის ქალაქ ორანჟში სროლის შედეგად ოთხი ადამიანი, მათ შორის ერთი ბავშვი დაიღუპა. ამის შესახებ npr.org იუწყება.
სროლის ხმის გაგონების შემდეგ მოსახლეობამ სამართალდამცველები გამოიძახა. ადგილზე მისულმა პოლიციელებმა ოთხი დაღუპული აღმოაჩინეს და ერთი დაჭრილი ქალი, რომელიც უმძიმეს მდგომარეობაში საავადმყოფოში გადაიყვანეს. ასევე დაჭრილია სროლაში ძირითადი ეჭვმიტანილი, რომელიც პოლიციამ დააკავა.
ორანჟი პატარა ქალაქია ლოს-ანჯელესის მახლობლად.
