მადლობა ყველა იმ ადამიანს, ვინც მგულშემატკივრობდა - კახა კალაძე
თბილისის მერი, კახა კალაძე მადლობას უხდის ყველას, ვინც მას გულშემატკივრობდა.
"პირველ რიგში, მადლობით მინდა დავიწყო. მადლობა ყველა იმ ადამიანს, ვინც მგულშემატკივრობდა. მადლობას ვუხდი ექიმებს, ექთნებს, ვინც ჩართული იყო ჩემს გამოჯანმრთელებაში. აქვე მინდა დავასახელო რამდენიმე ექიმი - ბატონი ზურაბ ფაღავა, მამუკა ბოკუჩავა, ეკატერინე ხარხელი, ძალიან დიდი მადლობა მათ. ჯანმრთელობის მდგომარეობას რაც შეეხება, თავს უკეთესად ვგრძნობ, თუმცა გარკვეული დღეების განმავლობაში, სახლში უნდა გავაგრძელო მკურნალობა", - წერს კალაძე ფეისბუქზე.
შეგახსენებთ, რომ კახა კალაძეს ვესტიბულარული აპარატის ფუნქციის დარღვევა დაუდგინდა.
