სოფელ გუმათში აქციის 10-მდე მონაწილე დააკავეს
სოფელ გუმათში, სადაც პოლიციასა და "რიონის ხეობის მცველებს" შორის დაპირისპირება იყო, სავარაუდოდ, აქციის 10-მდე მონაწილე დააკავეს. დაშავებულთა შესახებ ზუსტი ინფორმაცია ჯერჯერობით არ ვრცელდება. ადგილზე მობილიზებულია წყლის ჭავლისა და სასწრაფო დახმარების მანქანები.
ცნობისთვის, "რიონის ხეობის მცველებმა" დღეს საღამოს "ენკას" ბაზასთან საავტომობილო გზა გადაკეტეს და კომპანიის მანქანებს არ ატარებდნენ. გზაზე გადაადგილების შესაძლებლობა მხოლოდ ადგილობრივ მოსახლეობას შეეძლო.
მოგვიანებით პოლიციის უფროსმა აქციის მონაწილეებს გზის გასახსნელად გონივრული ვადა მისცა, წინააღმდეგ შემთხვევაში კი პროპორციული ძალის გამოყენებით დაიმუქრა.
