ალუდა ღუდუშაური: ოპოზიციას კომპრომისული ნაბიჯების გადადგმა მოუწევს
"ოპოზიციას მოუწევს კომპრომისული ნაბიჯების გადადგმა", - ამის შესახებ საპარლამენტო უმრავლესობის წევრმა, ალუდა ღუდუშაურმა მოლაპარაკებებზე საუბრისას განაცხადა.
მისი თქმით, „ქართული ოცნება“ პრინციპების ერთგული რჩება.
„ქართული ოცნება ვიყავით და ვრჩებით ერთგული იმ პრინციპებისა, რომელიც ემსახურება შეთანხმების მიღწევას. ოპოზიციას მოუწევს კომპრომისული ნაბიჯების გადადგმა“, - განაცხადა ალუდა ღუდუშაურმა.
კრისტიან დანიელსონის მედიაციით, მმართველ გუნდსა და ოპოზიციის შორის მოლაპარაკებების მეორე რაუნდი 30 მარტს გაიმართა.
