რუსთაველის გამზირზე გზა გადაიკეტა - საპროტესტო აქცია გრძელდება
უწყვეტი პროტესტის 44-ე დღესაც რუსთაველის გამზირი გადაიკეტა. პარლამენტის შენობასთან საპროტესტო აქცია გრძელდება. "არ იქნება სამართალი არ იქნება მშვიდობა" - სკანდირებენ დემონსტრანტები, რომლებიც ახალი საპარლამენტო არჩევნების გარდა, აქციაზე დაკავებულების გათავისუფლებას ითხოვენ. მათ ადგილზე საქართველოსა და ევროკავშირის დროშები აქვთ მოტანილი, ასევე, სხვადასხვა შინაარსის ბანერები. ცოტა ხნის წინ, აქციის მონაწილეებს ვერელებისა და ვაკელების ნაწილის ერთობლივი მარში შეუერთდა.
ადგილზე მობილიზებულია საპატრულო და სასწრაფო დახმარების ბრიგადები.
