აღმოსავლეთ იერუსალიმში შეტაკებებისას 100-ზე მეტი ადამიანი დაშავდა
აღმოსავლეთ იერუსალიმში, ებრაელ აქტივისტებს, პალესტინელებსა და ისრაელის პოლიციას შორის შეტაკებებში 100-ზე მეტი ადამიანი დაშავდა, - ამის შესახებ BBC წერს.
ნაციონალისტური და რელიგიური დაძაბულობის ფონზე მიმდინარე დაპირისპირებისას, ქუჩაში გამოსული ადამიანები ერთმანეთს ქვებსა და ბოთლებს ესროდა. მათ დასაშლელად, პოლიციამ ხმოვანი-მანათობელი ყუმბარები (Stun Grenade) გამოიყენა.
დაშავებულთაგან 20 სამართალდამცველია. დაპირისპირებისას 50-ზე მეტი ადამიანი დააკავეს.