ანრი ოხანაშვილი: კახა კუჭავა არის გამოკვეთილი ლიდერი
"წარმატებას ვუსურვებ ბატონ კახა კუჭავას, რომელიც ასევე არის გამოკვეთილი ლიდერი, საპარლამენტო საქმიანობის კარგი გამოცდილება აქვს და დარწმუნებული ვარ, წარმატებული სპიკერი იქნება", - ამის შესახებ იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.
მისი თქმით, არჩილ თალაკვაძე გუნდის ერთ-ერთ ლიდერად რჩება.
„მგონი, დამატებითი კომენტარი აზრს მოკლებულია, რადგან თავად არჩილ თალაკვაძემ განმარტა, რატომ მიიღო ეს გადაწყვეტილება. მე შემიძლია, მადლობა გადავუხადო გაწეული საქმიანობისთვის. არჩილ თალაკვაძე რჩება გუნდის ერთ-ერთ ლიდერად. წარმატებას ვუსურვებ ბატონ კახა კუჭავას, რომელიც ასევე არის გამოკვეთილი ლიდერი, საპარლამენტო საქმიანობის კარგი გამოცდილება აქვს და დარწმუნებული ვარ, წარმატებული სპიკერი იქნება“,- განაცხადა ანრი ოხანაშვილმა.
„ქართულმა ოცნებამ“ პარლამენტის თავმჯდომარის თანამდებობაზე კახა კუჭავა 24 აპრილს წარადგინა.
