როდის გაიმართება ჩემპიონთა ლიგის საპასუხო ნახევარფინალები?
დასრულდა ჩემპიონთა ლიგის ორივე პირველი ნახევარფინალი - გუშინ, „რეალმა“ და „ჩელსიმ“ მადრიდში ფრე ითამაშეს და ყველაფრის „სტემფორდ ბრიჯზე“ გარკვევაზე მოილაპარაკეს - 1:1.
დღეს კი, პარიზში, „პსჟ-მ“ „მანჩესტერ სიტის“ უმასპინძლა და მინიმალური ანგარიშით, 1:2 დამარცხდა.
საპასუხო მატჩები, ლონდონსა და მანჩესტერში უკვე მომდევნო კვირას, 4 და 5 მაისს გაიმართება.
4 მაისს „სიტი“ „პსჟ-ს“ უმასპინძლებს, 5-ში კი „ჩელსი“ „ბრიჯზე“ მადრიდის „რეალს“ დაუხვდება.
რაც შეეხება გადამწყვეტ დაპირისპირებას, ის სტამბოლში, 29 მაისს შედგება.
