მექსიკაში მეტროს ესტაკადის ნგრევას 15 ადამიანი ემსხვერპლა. ვიდეო
მექსიკის დედაქალაქში, მეხიკოში, ჩაინგრა ესტაკადა, რომელზეც მეტროს ხაზი გადიოდა. შემთხვევის შედეგად, 15 ადამიანი დაიღუპა, - ამის შესახებ BBC წერს.
ნგრევის დროს, მეტროს შემადგენლობის რამდენიმე ვაგონი ესტაკადის ქვეშ, საავტომობილო გზაზე მოძრავ, სულ მცირე, ერთ ავტომობილს დაეცა. შემთხვევა ოლივოსის სადგურთან, მეტროს მე-12 ხაზზე მოხდა.
ადგილობრივი საგანგებო სიტუაციების სამსახურის ცნობით, 70-მდე ადამიანია დაშავებული.
ზოგი ადამიანი ამ დრომდე ნანგრევების ქვეშაა მოქცეული. არ გამორიცხავენ, მსხვერპლთა რაოდენობა გაიზარდოს.
