ავსტრალია ინდოეთიდან მოქალაქეების დაბრუნებაზე დაწესებულ შეზღუდვებს აუქმებს
ავსტრალიის მთავრობის გადაწყვეტილებით, საკუთარი მოქალაქეების ინდოეთიდან დაბრუნებაზე დაწესებული შეზღუდვები უქმდება, - ამის შესახებ Reuters-ი წერს.
15-დან 31 მაისამდე, ინდოეთიდან მოქალაქეების დასაბრუნებლად, სამი ჩარტერული ფრენა შესრულდება. კომერციული ფრენების აღდგენა, ჯერჯერობით, დამტკიცებული არაა.
ავსტრალიის მთავრობის ინფორმაციით, ინდოეთში ბინადრობის უფლების მქონე 9 ათასამდე ავსტრალიელი ცხოვრობს.
ავსტრალიამ ინდოეთიდან ფრენები აპრილში აკრძალა.