ქაბულში მეჩეთში აფეთქებას, სულ მცირე, 12 ადამიანი ემსხვერპლა
ავღანეთის დედაქალაქ ქაბულში მეჩეთში აფეთქებას, სულ მცირე, 12 ადამიანი ემსხვერპლა. ამის შესახებ ინფორმაციას სააგენტო Reuters-ი ავრცელებს.
ქაბულის პოლიციის ინფორმაციით, დაღუპულთა შორის მეჩეთის იმამიცაა. აფეთქების შედეგად, სულ მცირე, 15 ადამიანი დაიჭრა.
ამ ეტაპზე, პასუხისმგებლობა ტერაქტზე არცერთ დაჯგუფებას არ აუღია.