ირან-აზერბაიჯანის საზღვარზე 2 აზერბაიჯანელი მესაზღვრე მოკლეს
ოფიციალური ბაქოს ინფორმაციით, ირანის საზღვართან ორი აზერბაიჯანელი სამხედრო მოსამსახურე დაიღუპა.
შემთხვევა მაშინ მოხდა, როდესაც ირან-აზერბაიჯანის საზღვარი სამმა პირმა დაარღვია, მათ მესაზღვრეების მოწოდება არ გაითვალისწინეს და სამხედრო მოსამსახურეების მიმართულებით ცეცხლი გახსნეს. ინციდენტის დროს ორი მესაზღვრე დაიჭრა, ექიმებმა მათი გადარჩენა ვერ მოახერხეს.
მოგვიანებით, ადგილზე დაახლოებით, 10 კილოგრამი ნარკოტიკული საშუალება აღმოაჩინეს.
