თელავის მერმა პარტიული თანამდებობა დატოვა
თელავის მუნიციპალიტეტის მერმა, შოთა ნარეკიშვილმა, პარტიული თანამდებობა დატოვა - ის "ქართული ოცნების" თელავის ორგანიზაციის თავმჯდომარე აღარ იქნება.
მიღებულ გადაწყვეტილებას მერი ადგილობრივი თვითმმართველობის არჩევნებს უკავშირებს და აცხადებს, რომ მერის თანამდებობაზე კენჭს აღარ იყრის და შესაბამისად, აღარც პარტიულ საქმიანობას გააგრძელებს.
"ქართული ოცნების" თელავის საოლქო ორგანიზაციის თავმჯდომარის მოვალეობას, კახეთში სახელმწიფო რწმუნებულის პირველი მოადგილე, პლატონ კალმახელიძე შეასრულებს.
ახალ თავმჯდომარეს პარტიის ყრილობაზე დაასახელებენ.
