ნიგერიაში ნავის ჩაძირვის შედეგად, 130-ზე მეტი ადამიანი დაკარგულად მიიჩნევა
ნიგერიაში მდინარე ნიგერში ნავის ჩაძირვის შედეგად, 130-ზე მეტი ადამიანი დაკარგულად მიიჩნევა. ინფორმაციას ამის შესახებ ტელეკომპანია BBC-ი ავრცელებს.
არსებული ინფორმაციით, ნავზე 160-ზე მეტი ადამიანი იმყოფებოდა და ამ ეტაპზე მხოლოდ 22 მგზავრის გადარჩენა მოხერხდა. აღმოჩენილია ერთი ცხედარი.
ადგილობრივი ხელისუფლება აცხადებს, რომ უბედური შემთხვევა ნავის გადატვირთულობის გამო მოხდა, რადგან ნავი 80 მგზავრზე იყო გათვლილი.
