მგზავრმა საკვებში ცოცხალი თაგვი აღმოაჩინა, რაც თვითმფრინავის ავარიული დაშვების მიზეზი გახდა
Scandinavian Airlines-ის ერთ-ერთი თვითმფრინავი იძულებული გახდა დანიაში, კოპენჰაგენის აეროპორტში ავარიულად დაშვებულიყო. თვითმფრინავი ავარიულად მას შემდეგ დაეშვა, რაც მგზავრმა საკვებში ცოცხალი თაგვი აღმოაჩინა. ინფორმაციას BBC ავრცელებს.
თვითმფრინავი ნორვეგიის დედაქალაქიდან, ოსლოდან ესპანეთში, მალაგაში მიფრინავდა.
ავიაკომპანიის სპიკერის, ოისტეინ შმიდტის განცხადებით, ავარიული დაშვება კომპანიის უსაფრთხოების პროტოკოლის მიხედვით მოხდა, რადგან თაგვი მგზავრების უსაფრთხოებას საფრთხეს უქმნიდა.
თვითმფრინავის მგზავრები, მალაგაში, მოგვიანებით სხვა რეისით გაემგზავრნენ.
