კორონავირუსმა რადიოლოგი ნაირა სურმანიძე იმსხვერპლა
კორონავირუსს კიდევ ერთი მედიკოსის სიცოცხლე ემსხვერპლა. ინფორმაციას საერთაშორისო სამედიცინო ჰოსპიტალი "ბაუ" ავრცელებს.
"კორონავირუსმა ჩვენი კოლეგა, რადიოლოგი ნაირა სურმანიძე იმსხვერპლა.
ჩვენი ნაირა. საუკეთესო პიროვნული თვისებებით გამორჩეული და ყველასათვის საყვარელი ადამიანი, თავისი საქმის პროფესიონალი.
ჩვენი გუნდის უდიდესი ტკივილი და დანაკლისი.
კოვიდ-19 მას 10 მაისს დაუდასტურდა და ამ ხნის განმავლობაში ქობულეთის ერთ-ერთ კოვიდ-კლინიკაში მკურნალობდა.
ბაუ საერთაშორისო ჰოსპიტალი ღრმა მწუხარებას გამოთქვამს და სამძიმარს უცხადებს ოჯახს, ახლობლებს, კოლეგებს", - წერია კლინიკის ფეისბუქი გვერდზე.
