Windows-ის ოპერაციული სისტემის ახალი თაობა დაანონსდა
კომპანია Microsoft-მა Windows-ის შემდეგი თაობა დააანონსა. ამის შესახებ Verge წერს.
ოპერაციული სისტემის ახალი ვერსიის გამოსვლის შესახებ კორპორაციის ხელმძღვანელმა სატია ნადელამ განაცხადა. „ჩვენ მალე გამოვუშვებთ Windows-ის ერთ-ერთ მნიშვნელოვან განახლებას ბოლო ათი წლის განმავლობაში“, - განაცხადა ტოპ-მენეჯერმა.
ამასთან, ნადელას ზუსტი თარიღი არ დაუსახელებია, თუმცა აღნიშნა, რომ უახლოეს პერიოდში შემქმნელებს ოპერაციული სისტემის ბეტა-ვერსიას გაუზიარებს.
