TIA.GE - ინტერნეტ ტელევიზია
სოლუმ დეველოპმენტი
  • "სრულად ვაქცინირებული პირებიც რისკის ქვეშ არიან" - ამერიკა თავის მოქალაქეებს მოუწოდებს, საქართველოში ვიზიტისგან თავი შეიკავონ

    აშშ-ის დაავადებათა კონტროლის ცენტრი თავის მოქალაქეებს მოუწოდებს, მომატებული რისკის გამო, საქართველოში ვიზიტისგან თავი შეიკავონ. როგორც განცხადებაშია ნათქვამი, საქართველოში ჩამოსვლა სრულად ვაქცინირებული პირებისთვისაც სარისკოა:

    "აშშ-ის დაავადებათა კონტროლის ცენტრი საქართველოში მოგზაური პირებისთვის შემდეგ რეკომენდაციებს გასცემს:

    თავი შეიკავეთ საქართველოში მოგზაურობისგან.

    თუ საქართველოში აუცილებლად უნდა წახვიდეთ, დარწმუნდით, რომ მოგზაურობამდე სრულად ვაქცინირებული ხართ.

    საქართველოში მოგზაური სრულად ვაქცინირებული პირებიც რისკის ქვეშ არიან, რომ COVID 19-ის ვარიანტებით დაინფიცირდებიან.

    საქართველოში მოგზაურებმა უნდა დაიცვან ყველა რეკომენდაცია ან მოთხოვნა, მათ შორის ნიღბის ტარებისა და დისტანციის დაცვის შესახებ" - ნათქვამია განცხადებაში.
    4 687 ნახვა