თეა დარჩია - ქართველი მაშინაა ქართველი, როცა მართლმადიდებელია, კითხულობს ბიბლიას, ახალ აღთქმას...მაგრამ, როცა იზრდები სხვის რელიგიაზე, ქართველი ვეღარ ხარ

ჩემი აზრით, ქართველი მაშინ არის ქართველი, როცა არის მართლმადიდებელი, ცდილობს მაინც და როცა კითხულობს ბიბლიას ახალ აღთქმას, ფსალმუნს, ლოცვებს, ეზიარება და ცდილობს აღსარებაში იყოს გულწრფელი, - ამის შესახებ მოცეკვავე, თეა დარჩია "რადიო თავისუფლებასთან" საუბრობს.

რამდენიმე დღის წინ დარჩიამ "იმედის" ეთერში ნინოწმინდის ბავშთა პანსიონზე საუბრის დროს ისლამოფობის წამახალისებელი განცხადება გააკეთა - ასე შეაფასა "სოლიდარობის თემმა" მოცეკვავის ნათქვამი, რომელიც მუსლიმურ სააღმზრდელო დაწესებულებებს შეეხებოდა.

როგორც დარჩია "რატიო ტავისუფლებასთან" ინტერვიუში აცხადებს, "ყველას რწმენას პატივს სცემს", "არანაირი ფობიები არ აწუხებს" და "კარგ მთქმელს კარგი გამგონე უნდა".

რ.თ.: თქვენ ინტერვიში ასეთ რამეს ამბობდით - "ქართველი გოგოები ყურანს რომ სწავლობენ და კითხულობენ, აღარაფერი ქართული მათში აღარ არის" - ქართველობასა და მართლმადიდებლობაზე საუბრობთ [რისი თქმა გსურდათ] ...

თეა დარჩია: ჩემი აზრით, ქართველი მაშინ არის ქართველი, როცა არის მართლმადიდებელი, ცდილობს მაინც და როცა კითხულობს ბიბლიას ახალ აღთქმას, ფსალმუნს, ლოცვებს, ეზიარება და ცდილობს აღსარებაში იყოს გულწრფელი. ქართველმა თუ ყურანი ისწავლა და მუსლიმი გახდა - მე ეგ ისტორიიდან ვიცი, რომ ამას ისე ებრძოდნენ ქართველი მეფეები, რომ გოგოებში იმხელა თვითშეგნება იყო, თავს იკლავდნენ, რომ არ გამუსლიმანულიყვნენ...

რ.თ.: თქვენ უშუალოდ მართლმადიდებლობასა და ქართველობას შორის ავლებთ პარალელს, თუ "ქართველი" შეიძლება იყოს კათოლიკეც?..

თეა დარჩია: რა თქმა უნდა, იყოს, იქართველოს.

რ.თ.: "იქართველოს" რას ნიშნავს?

თეა დარჩია: მე ვიცი ქართველი მართლმადიდებელი ქრისტიანი...

რ.თ.: თქვენ, როცა "იმედის" ეთერში თქვით, რომ "ქართველი გოგოები ყურანს რომ სწავლობენ და კითხულობენ, აღარაფერი ქართული მათში აღარ არის", თქვენი აზრით მათ ნეგატიურ კონტექსტში წარმოაჩენდა?

თეა დარჩია: არანაირად. მაგრამ როცა იზრდები სხვის ადათ-წესებზე, სხვის რელიგიაზე, სხვის სწავლებებზე, ქართველი ვეღარ ხარ...