GORBI - დღეს რომ თბილისის მერის არჩევნები ტარდებოდეს, 61,2% ხმას კახა კალაძეს მისცემდა
ტელეკომპანია "იმედი“ GORBI-ის კვლევის შედეგებს ასაჯაროვებს.
კითხვაზე „დღეს რომ ქალაქ თბილისის მერის არჩევნები ტარდებოდეს, რომელ კანდიდატს მისცემდით ხმას“ გამოკითხულთა 61.2%-მა არჩევან კახა კალაძეზე, ხოლო 38.8%-მა ნიკა მელიაზე შეაჩერა. ამ ეტაპზე დედაქალაქი მერობის კანდიდატები მხოლოდ „ქართულმა ოცნებამ“ და „ნაციონალურმა მოძრაობამ“ დაასახელეს.
მთელი ქვეყნის მასშტაბით, პირდაპირი ინტერვიუს წესით, 1953 ადამიანი გამოიკითხა. ცდომილება ქვეყნის მასშტაბით პლუს-მინუს 2.2%-ია, თბილისის მასშტაბით - პლუს-მინუს 3.2%. საზოგადოებრივი აზრის კვლევა 25 ივლისიდან 4 აგვისტოს შუალედში ჩატარდა.
