ჩვენ ვემსახურებით ჩვენს მოსახლეობას და ჩვენს ხალხს - ვემსახურებით საქართველოს - პრემიერი
ჩვენ ვემსახურებით ჩვენს მოსახლეობას და ჩვენს ხალხს - ვემსახურებით საქართველოს, - ამის შესახებ პრემიერ-მინისტრმა, ირაკლი ღარიბაშვილმა ბათუმის მერობის კანდიდატის, არჩილ ჩიქოვანის წარდგენისას განაცხადა
" მე ჩემს არაერთ გამოსვლაში მითქვამს და მინდა გავიმეორო, რომ ყველა მერი და ზოგადად, მმართველი უნდა იყოს მსახური ხალხის. ჩვენ ვემსახურებით ჩვენს მოსახლეობას და ჩვენს ხალხს - ვემსახურებით საქართველოს. ამ სიტყვების თქმის შემდეგ მე მინდა წარმოგიდგინოთ ბათუმის მერობის კანდიდატი, ოფიცერი, კაცი, რომელიც მთელი თავისი გულით და გონებით ემსახურება თავის ქალაქ და თავის ქვეყანას - არჩილ ჩიქოვანი", - განაცხადა ირაკლი ღარიბაშვილმა.
საქართველოში თვითმმართველობის არჩევნები 2 ოქტომბერს გაიმართება.
