"ამ პროცესში ხელისშეშლა პირდაპირ ითარგმნება ადამიანების სიკვდილში!" - ბიძინა კულუმბეგოვი
ალერგოლოგ-იმუნოლოგი ბიძინა კულუმბეგოვი სოციალური ქსელის პირად გვერდზე UNICEF-თან ერთად ჩატარებული ვაქცინაციის კამპანიის ამსახველ ფოტომასალას აქვეყნებს და სასულიერო პირების მიერ მის მიმართ გაჟღერებულ მოსაზრებებს პასუხობს.
"სასულიერო პირების ერთმა ჯგუფმა დღეს ჩემი და ჩემი კოლეგების საქმიანობა შეადარა ნაცისტი ექიმის იოზეფ მენგელის ჩადენილ ქმედებებს. როგორც ბევრჯერ მოგვისმენია თქვენ არ ერევით ექიმების საქმეში, ამიტომ საპატრიარქოს ვთხოვ აღკვეთოს ჩვენს წინააღმდეგ მიმართული კამპანია, რომელიც უხეში ჩარევაა ჩვენს საექიმო და საგანმანათლებლო საქმიანობაში და ამ პროცესში ხელისშეშლა პირდაპირ ითარგმნება ადამიანების სიკვდილში!" - წერს ბიძინა კულუმბეგოვი Facebook-ზე.
