"დავაწესოთ პრიზი: 1.000.000, 500.000 და 250.000 ლარი და გავათამაშოთ ვაქცინაციის პროცესით" - კოტე მათითაშვილი ინიციატივით გამოდის
პლასტიკური ქირურგი, კონსტანტინე (კოტე) მათითაშვილი ვაქცინაციის პროცესის წახალისების მიზნით, სოლიდური თანხის გათამაშების დაწესების ინიციატივით გამოდის.
"მაქვს იდეა ! დავაწესოთ პრიზი: 1.000.000, 500.000 და 250.000 ლარი და გავათამაშოთ ვაქცინაციის პროცესით, ID ბარათის ნომრით ! როდესაც ვაქცინაცია მიაღწევს 80 % გამოვლინდეს გამარჯვებული!
თან სიცოცხლეს უფრთხილდები თან შანსი გაქვს მილონერი გახდე !
საპრიზო ფონდი გამოიყოს წინასაარჩევნო კამპანიის თანხებიდან !
ვისაც არ უნდა არ უნდა, ვინსაც სურს ის მოიგებს", - წერს კონსტანტინე მათითაშვილი.
დაავადებათა კონტროლის ეროვნული ცენტრის ინფორმაციით, 20 აგვისტოს, საქართველოში ვაქცინაციის რეკორდული მაჩვენებელი დაფიქსირდა - კოვიდვაქცინით 28 555 პირი აიცრა.
