მოქალაქეები კარგად ხედავენ რამდენად უსუსურია ხელისუფლება მართოს ქვეყანა ღირსეულად და უპასუხოს გამოწვევებს - გიორგი გახარია

მოქალაქეები ძალიან კარგად ხედავენ რამდენად უსუსურია ხელისუფლება მართოს ქვეყანა ღირსეულად და უპასუხოს გამოწვევებს - ეკონომიკური იქნება, პანდემიერი თუ სხვა. როდესაც არ შეგწევს ძალა, ნორმალურად მართო ქვეყანა - ლოგიკურია, რომ რიგგარეშე არჩევნები დადგება დღის წესრიგში!, - ამის შესახებ ექსპრემიერმა, პარტია „საქართველოსთვის“ თავმჯდომარემ, გიორგი გახარიამ სამეგრელოში ზუგდიდის, წალენჯიხის, ჩხოროწყუს და ხობის მერობის, მაჟორიტარობის კანდიდატები სადა ზუგდიდის პარტიული სიის წარადგენისას განაცხადა.

გიორგი გახარიამ მედიის კითხვებს უპასუხა, მათ შორის რიგგარეშე არჩევნებთან დაკავშირებითაც.

„რიგგარეშე არჩევნები აუცილებლად იქნება! როგორც არ უნდა იძახონ ზოგიერთებმა მანტრასავით - ,,არ იქნება, არ იქნება“ - ეს არის საქართველოს მოქალაქეების გადასაწყვეტი რიგგარეშე არჩევნები იქნება თუ არ იქნება. საქართველოს მოქალაქეები ძალიან კარგად ხედავენ, რამდენად უსუსურია დღევანდელი ხელისუფლება და რამდენად არა აქვს საკმარისი რესურსი მართოს ქვეყანა ღირსეულად და რამდენად არ ყოფნის რესურსი იმისთვის, რომ უპასუხოს გამოწვევებს, რომლის წინაშეც დღეს ქვეყანა დგას - ეკონომიკური იქნება ეს, პანდემიერი იქნება, თუ კიდევ სხვა ბევრი გამოწვევა. ამიტომ როდესაც შენ არ შეგწევს ძალა, ნორმალურად მართო ქვეყანა, ლოგიკურია, რომ რიგგარეშე არჩევნები დადგება დღის წესრიგში!“, - განაცხადა გახარიამ.

შეგახსენებთ, რომ საქართველოში თვითმმართველობის არჩევნები 2 ოქტომბერს გაიმართება.