"წაით სახლში, წაით, რევანში არ იქნებაო" - ნიკა გვარამია "ქართული ოცნებას" მიმართავს
"მთავარი არხის" გენდირექტორი, ექსპრეზიდენტ მიხეილ სააკაშვილის საგანგებო განცხადებას ეხმაურება და სოციალურ ქსელში მმართველ გუნდს მიმართავს.
"ასეთი მიწისძვრები, რაც ივანიშვილის პოლიტიკურ სიმყუდროვეს ბოლო კვირებში დაატყდა, არასდროს ყოფილა. არც ამის ნახევარი. აგერ სააკაშვილმა მთლად ცხრაბალიანი დღლიზა.
წაით სახლში, წაით ქართული ოცნება / Georgian Dream. რევანში არ იქნებაო", - წერს გვარამია ფეისბუქზე.
შეგახსენებთ, რომ საგანგებო განცხადება გაავრცელა საქართველოს მე-3 პრეზიდენტმა, მიხეილ სააკაშვილმა, სადაც მან განაცხადა, რომ არჩევნებისთვის სამშობლოში დაბრუნდება.
საქართველოში თვითმმართველობის არჩევნები 2 ოქტომბერს არის ჩანიშნული.
