ოპოზიცია ემზადება 3 ოქტომბრისთვის, რომ ისევ იმ უბედური სცენარის განხორციელება სცადონ - ირაკლი კობახიძე
ოპოზიცია ემზადება არა 2 ოქტომბრისთვის, არამედ 3 ოქტომბრისთვის, იმისათვის, რომ სცადონ ისევ იმ უბედური სცენარის განხორციელება, რითაც დაღალეს ეს საზოგადოება, ამის საშუალებას მათ არ მივცემთ, - ამის შესახებ "ქართული ოცნების" თავმჯდომარემ, ირაკლი კობახიძემ განაცხადა.
მისივე შეფასებით, არჩევნების მე-2 ტური მხოლოდ 10-15 მუნიციპალიტეტშია მოსალოდნელი.
"ისინი ემზადებიან არა 2 ოქტომბრისთვის, არამედ 3 ოქტომბრისთვის, იმისათვის, რომ სცადონ ისევ იმ უბედური სცენარის განხორციელება, რითაც დაღალეს ეს საზოგადოება, ამის საშუალებას მათ არ მივცემთ.
მე-2 ტურებს, რა თქმა უნდა, ველოდებით, თუმცა, აქ არის ერთი ნიუანსი - 63 რეგიონული მუნიციპალიტეტიდან 51-ში, მთლიანობაში დაყენებულია 4 ან ნაკლები კანდიდატი, რაც ამცირებს მეორე ტურების ალბათობას. შესაბამისად, ბევრი მეორე ტური ამის გამო ალბათ არ იქნება, თუმცა, შეიძლება 10-15 მუნიციპალიტეტში იყოს, რაც არის დემოკრატიული პროცესი,"- განაცხადა ირაკლი კობახიძემ.
საქართველოში თვითმმართველობის არჩევნები 2 ოქტომბერს არის ჩანიშნული.
