ნათია მეზვრიშვილი კონკურენტებს დებატებში იწვევს
პარტია "საქართველოსთვის" გლდანის მაჟორიტარობის კანდიდატი, ნათია მეზვრიშვილი კონკურენტებს "ქართული ოცნებიდან" - კონსტანტინე ზარნაძეს და ოპოზიციის ერთიან კანდიდატს - ელენე ხოშტარიას დებატებში იწვევს.
"გლდანი იმსახურებს რომ მის წარმატებაზე გადიოდეს თბილისის წარმატება.
უკეთესი #გლდანისთვის და მხოლოდ გლდანის საჭიროებებზე მზად ვარ ნებისმიერ ფორმატში პირისპირ დებატებში დავჯდე გლდანის მაჟორიტარობის კანდიდატთან “ქართული ოცნებიდან” - კონსტანტინე ზარნაძესთან და ოპოზიციის ერთიან კანდიდატთან “დროა”-დან ელენე ხოშტარიასთან", - წერს მეზვრიშვილი ფეისბუქზე.
საქართველოში თვითმმართველობის არჩევნები 2 ოქტომბერს გაიმართება.