მეგის ქარდავას უკრაინიდან საქართველოში ექსტრადიცია სავარაუდოდ დღეს განხორციელდება
მეგის ქარდავას საქართველოს თავდაცვის სამინისტროს სამხედრო პოლიციის დეპარტამენტის ყოფილი უფროსის უკრაინიდან საქართველოში ექსტრადიცია სავარაუდოდ დღეს განხორციელდება.
მეგის ქარდავა უკრაინაში 2017 წლის პირველ ნოემბერს დააკავეს, იგი საქართველოში 10 სისხლის სამართლის საქმეზეა ბრალდებული და მსჯავრდებული.
ქარდავას ექსტრადირებას ქართული მხარე მისი დაკავების დღიდან ითხოვდა. 2018 წლიდან მეგის ქარდავას საექსტრადიციო პატიმრობა შინაპატიმრობით ჰქონდა შეცვლილი, რამდენიმე დღის წინ კი ის კვლავ საპატიმროში გადაიყვანეს.
