ვაქცინირებული ორსულები ანტისხეულებს ჩვილებს გადასცემენ
მეცნიერებმა დაადასტურეს, რომ ორსული ქალები, რომლებიც Pfizer-ით ან Moderna–თი არიან ვაქცინირებულები, ჩვილებს კორონავირუსის საწინააღმდეგო ანტისხეულებს გადასცემენ. ამის შესახებ ინფორმაციას Bloomberg-ი აქვეყნებს.
ამერიკულ მეან-გინეკოლოგიის ჟურნალში გამოქვეყნებულ კვლევაში, ამერიკელმა მეცნიერებმა შეაფასეს აქვს თუ არა ნაყოფს კორონავირუსზე იმუნიტეტი, თუკი დედა ორსულობის დროს აიცრა.
კვლევაში მონაწილე 36-ვე ჩვილს COVID-19–ის საწინააღმდეგო ანტისხეულები ჰქონდა. მეცნიერები ამას იმით ხსნიან, რომ მათი მშობლები ორსულობის დროს mRNA ვაქცინით აიცრნენ. ტრადიციული ვაქცინებისგან განსხვავებით, mRNA ვაქცინები ასწავლიან უჯრედებს, შექმნან ცილა, რომელიც იწვევს იმუნურ პასუხს ინფიცირების შემთხვევაში.
