"ისევ სამეგრელოს ტყეები. ისევ ერთ-ერთ სახლში შეფარებული ქვეყნის დევნილი პრეზიდენტი... " - ლაშა ბუღაძე
მწერალი, ლაშა ბუღაძე საქართველოში ექსპრეზიდენტ მიხეილ სააკაშვილის შემოსვლასა და დაკავებას სოციალურ ქსელში ეხმაურება:
"ისევ სამეგრელოს ტყეები. ისევ ღამე. ისევ ისტორიისთვის უჩინარი ხალხი. ისევ ერთ-ერთ სახლში შეფარებული ქვეყნის დევნილი პრეზიდენტი... ისტორიის ციკლურობა, ამჯერად - მადლობა ღმერთს - არა ტრაგიკული და ერისთვის ტრავმული შედეგით... დამაფიქრებელია...", - წერს ლაშა ბუღაძე.
საქართველოს მესამე პრეზიდენტი, მიხეილ სააკაშვილი ქართველმა სამართალდამცველებმა პირველ ოქტომბერს დააკავეს. ის ამჟამად რუსთავის მე-12 სასჯელაღსრულების დაწესებულებაში იმყოფება. სააკაშვილს 6 წლამდე პატიმრობა ემუქრება.