ყოველდღიურად 5-6 ათასი ინფიცირებული ძალიან მაღალი ციფრია - ივანე ჩხაიძე
იმუნიზაციის მრჩეველთა ეროვნული ტექნიკური ჯგუფის ხელმძღვანელმა ივანე ჩხაიძემ „იმედის ეთერში“ საქართველოში არსებულ ეპიდვითარებაზე ისაუბრა.
„სიტუაცია საქართველოში რჩება მძიმე. ინფიცირებული ადამიანების რაოდენობა სტაბილურად მაღალ მაჩვენებელზეა. ყოველდღიურად 5-6 ათასი ინფიცირებული ძალიან მაღალი ციფრია ისეთი ქვეყნისთვის, როგორიც საქართველოა. ინფიცირებული ადამიანების, მზარდი რაოდენობის მიუხედავად, საპირისპიროდ არ გვაქვს ვაქცინირებული ადამიანების რაოდენობის ზრდა. ძალიან მნიშვნელოვანია, რომ საკოორდინაციო საბჭოს მიერ ორი დღის წინ მიღებული გადაწყვეტილებები, რაც შეიძლება სწრაფად განხორციელდეს და ზუსტად გაკონტროლდეს. აცრის პუნქტებში მომატებულია ასაკოვანთა მომართვიანობა“, - აცხადებს ივანე ჩხაიძე.
